• 86.15
  • 93.74
  • 1.24

Чек арада Кыргызстан менен Тажикстандын жарандарынын ортосунда чыр чыкты

384 кароо Коом 0

Бишкек, 03.12.22 /Кабар/. Бүгүн, 3-декабрда мамлекеттик чек аранын кыргыз-тажик тилкесинде Тажикстан менен Кыргызстандын жарандарынын ортосунда чыр чыккан. Бул тууралуу КР Улуттук коопсздук мамлекеттик комитетинин Чек ара кызматынан билдиришти.

Ошентип, Сомониен (РТ) айылы аркылуу Дахма айылын көздөй бара жатып, КР жараны М.Н. жана Тажикстандын жарандары Кыргыз Республикасынын жаранына карата орой сөздөрдү айта баштаган. Андан ары жарандардын ортосунда мушташ таш ыргытууга айланган.

Чыр-чатактын күчөшүнө жол бербөө максатында Кыргызстандын жараны аңчылык куралын колдонуп, асманга үч жолу эскертүү иретинде ок чыгарган.

Окуянын чоо-жайын жана себептерин тактоо үчүн учурда Кыргызстан менен Тажикстандын чек ара өкүлдөрүнүн деңгээлинде Баткен жана Исфара тилкелери боюнча жыйын өтүүдө.

Пикир

Оставить комментарий