Бишкек, 29.08.18./Кабар/. Чет өлкөлүк инвестициялар көбүнчө Бишкекке жана Жалал-Абад облусуна түшөт. Бул тууралуу экономика министри Олег Панкратов өкмөттүн отурумунда билдирди.
Анын айтымында, инвестициялар башка аймактарга аябай аз өлчөмдө түшөт.
“Биздин ишкерлер үчүн насыя алуунун негизги булагы Россия-Кыргыз өнүктүрүү фонду экенин белгилеп өтүү керек. Бирок анын капиталы бардык керектөөлөрдү канааттандыра албайт. Андыктан тиешелүү чараларды көрүү керек, анын ичинде мамлекеттик банктарды капиталдаштырып, алардын багытын аныктоо керек”, - деди Панкратов.
Аймактар боюнча министр жергиликтүү калк жана инвесторлор менен иш жүргүзүү маанилүү деп эсептейт.
Пикир
Оставить комментарий