Бишкек, 05.08.20. /Кабар/. Коронавирус жуктурган бейтаптарды дарылоо үчүн күзгө карата 11 оорукана даярдалат. Бул тууралуу өкмөт үйүндөгү маалымат жыйында премьер-министр Кубатбек Боронов билдирди.
Анын айтымында, буга чейин өлкө боюнча 9 оорукана даярдалары айтылган.
"Биздин пландар алмашып 3 оорукана жаңы салынып жатат. Алар Бишкек, Ош жана Нарын шаарларында салынууда. Нарындан тышкары калган 6 облуста колдонулбай турган имараттар оорукана катары даярдалат. Кошумча каражат бөлүнүп дагы 2 оорукана күзгө карата бүткөрүлөт: Чолпон-Атада 60 орундуу оорукана жана мурда курулушу башталып аягына чыкпай калган Көк-Жаңгак шаарындагы 60 орундуу оорукана. Алар сентябрь айында ишке киргизилет", - деди ал.
Пикир
Оставить комментарий