Бишкек. 10.04.19 /Кабар/. 83 жаштагы тибеттиктердин руханий лидери Далай-лама XIV Индиянын Нью-Дели шаарындагы ооруканага жеткирилди, учурда абалы туруктуу. Бул тууралуу Reuters басылмасына маалымат катчысы кабарлады.
Маалыматка ылайык, 9-апрелде Далай-лама өзүн бир аз начар сезип, жөтөлүп жаткандыктан шаардагы клиникалардын биринен медициналык текшерүүдөн өткөн.
Ал азыр ооруканада жана бир нече күн клиникада болот, деп кабарланууда.
Далай-лама будда дининдегилердин руханий лидери болуп саналат. Ал 1959-жылдан бери Индияда жашайт.
1989-жылы Далай-лама Нобель сыйлыгын алган.
Пикир
Оставить комментарий