Бишкек, 27.12.21. /Кабар/. Дарыгерлердин кабинетинин жанындагы кезек күтүүнү чектөө жана шаардыктарды COVID-19дан коргоо максатында электрондук ден соолук борборунун дарыгердин кабыл алуусуна онлайн жазылуу санариптик платформасы иштеп жатат.
Бишкек мэриясынын басма сөз кызматы билдиргендей, системага бардык шаардык үй-бүлөлүк медицина борборлору кошулган.
"2021-жылы ҮМБда дарыгерлерге кабыл алууга жалпысынан 840 миң бейтап катталган. Анын ичинен 434 573 регистратура аркылуу жазылып, 321 миң 592 портал аркылуу жана 83 миң 752 бейтап үй-бүлөлүк дарыгер аркылуу жазылган", - деп айтылат маалыматта.
Дарыгерге онлайн жазылуу үчүн бир нече жөнөкөй кадамдарды жасоо керек:
1-кадам.
registratura.med.kg порталына өтүү;
ПИН (паспортто 14 символдон турган жеке идентификациялык номер)киргизүү;
Телефон номурун киргизүү.
2-кадам.
Дарыгерди тандоо.
3-кадам.
Датасы жана убактысы тандоо;
Жазууну ырастоо.
Пикир
Оставить комментарий