Бишкек, 15.11.18. /Кабар/. “Мектеп окуучуларынын ичкен-жеген тамак-ашына тыкыр көзөмөл кылуу керек. Бул тууралуу депутат Жылдыз Мусабекова Жогорку Кеңеш жыйынындагы “Ар кыл маселелер” саатында айтып чыкты.
“Балдарыбыздын жеген-ичкен тамак-ашына кайдыгер карагандайбыз”, -деген депутат Жылдыз Мусабекова мектеп окуучуларынын жылуу тамагы үчүн азык-түлүктөр боюнча өткөрүлгөн тендерлер мыйзам бузуулар менен өтүп жаткандыгын айтты.
Ошону менен катар балдардын тамак-ашына деп алынган азык-түлүктөрдүн сапатында дагы маселе бар экенин кошумчалады. Мындан сырткары, депутат бир эле районун түрдүү мектептеринде окуу китептери ар кандай баада экендигин билдирип, окуу китептеринин баасын бирдейлештирүү зарылдыгын белгиледи.
Пикир
Оставить комментарий