Бишкек, 25.09.22. /Кабар/. Жалал-Абад мамлекеттик университетинде Жалал-Абад облусунун мамлекеттик жана муниципалдык жалпы билим берүү уюмдарынын жетекчилеринин бош кызмат орундарына компьютердик тестирлөөнүн II айлампасы өттү.
Билим берүү жана илим министрлигинин басма сөз кызматынан кабарлашкандай, буга чейин Жалал-Абад облусунда 132 бош орун бар экендиги жарыяланган.
II айлампага катышуу үчүн жалпы 269 талапкер документ жиберип, анын 221и тестирлөөгө катышуу укугун алган.
Компьютердик тестирлөөгө 212 талапкер катышып, 9 адам сынакка келген жок.
Жыйынтыгында 54 талапкер босого балл же андан жогору упай топтоду. Бул катышуучулардын 25%ын түзөт.
Пикир
Оставить комментарий