ДКОнун демөөрчүлөрүнөн 2,4 миллион доллар түштү

Ысык-Көл, 08.09.18. /Кабар/. III Дүйнөлүк көчмөндөр оюндарынын демөөрчүлөрүнөн 2 миллион 400 миң доллар түштү. Бул тууралуу ДКОнун катчылыгынан билдиришти.

Оюндарга Turkish Airlines, Этноспорттун бүткүл дүйнөлүк конференциясы, "Альфателеком" ЖАК, Центерра, Мол булак, Аю холдинг, TIKA, БУУнун өнүктүрүү программасы жана башкалар демөөрчүлүк кылган.

III ДКОну уюштурууга 40 өлкөдөн (АКШ, Италия, Швейцария, Россия, Казакстан, Өзбекстан жана башкалар) 500 ыктыярчы катышкан. Оюндардын тумары - ак илбирс. Кийинки оюндар 2020-жылы Түркияда өтөт.