Бишкек, 7-август /Кабар/. 20-июлда Египетте кармалган алты казакстандык студент мекенине кайтып келди. Бул тууралуу өлкөнүн Тышкы иштер министрлигине шилтеме берип жергиликтүү маалымат каражаттары жазышты.
Студенттердин Египет улуттук коопсуздук кызматы тарабынан кармалгандыгы 24-июлда белгилүү болгон. Кармоонун чоо-жайы, студенттердин кайсыл жерде экендиги эки жумага жакын белгисиз болуп, буга байланыштуу Казакстан Тышкы иштер министрлиги Каирге нааразылык нотасын жөнөткөн.
1-августта Египеттин атайын кызматы казак элчилиги менен байланышып, студенттерди өлкөдөн чыгарышарын билдиришкен. Кармоонун чоо-жайы азыркыга чейин расмий айтыла элек.
Пикир
Оставить комментарий