Бишкек, 24.19.19. /Кабар/. Токтогул ГЭСи өлкө боюнча электр энергиянын 30-35%ын чыгарат. Бул тууралуу "Кабар" агенттигиндеги маалымат жыйында "Электр станциялары" ААКсынын техникалык директору Таалайбек Бектенов билдирди.
Анын айтымында, жабдыктар эскирип, ага байланыштуу энергетика тармагында реабилитация иштери башталган. Иштерди 2023-жылдын 10-ноябрына карата аяктоо пландалууда.
Бектенов белгилегендей, долбоорду ишке ашыруунун жүрүшүндө 100 млн долларга жакын каражат үнөмдөлгөн. Ал каражат Үч-Коргон ГЭСин реабилитация иштерине жумшалат.
"Электр энергиянын жетишсиздиги болбошу үчүн электр энергияны сырттан алуу боюнча иштер жүрүүдө" - деди ал.
Бектеновдун айтымында, Токтогул ГЭСиндеги суунун азайышы жылда кайталануучу цикл. Учурда, суунун келишинин азайышы жыл мезгили менен байланыштуу. Аба-ырайынын сууктап, чыгымдар көбөйгөндүктөн да суу көбүрөөк кете баштаган.
Пикир
Оставить комментарий