Бишкек, 14.04.21. /Кабар/. Эртең Бишкектин айрым жерлеринде убактылуу суу токтойт. Бул тууралуу шаардык мэриянын басма сөз кызматы билдирет.
Маалыматка ылайык, жай мезгилине даярдануу максатында “Батыш-2” суу алуучу жайында жана Бишкек шаарынын суу түтүктөрүндөгү оңдоп-түзөө иштерине байланыштуу, 15-апрелде саат 09:00дөн кечки 21:00гө чейин Жибек- Жолу, Манас проспектилери, темир жол линиясы жана Ала-Арча дарыясы менен чектелген аймакта ичүүчү суу берүү убактылуу үзгүлтүккө учурайт, анын ичинде: М.Ганди бульвары Баялинов көчөсүнө чейин; Журнал көчөсү Жибек-Жолу проспектисинен Күрөңкеев көчөсүнө чейин; Мичурин көчөсү; ошондой эле Ала-Арча дарыясынын квадратында, Осташковский, Москва көчөлөрүндө жана Ден Сяопин проспектисинде.
"Бишкексууканал" өндүрүштүк эксплуатациялык башкармалыгы келтирилген ыңгайсыздыктар үчүн кечирим сурайт жана шаар тургундарынан жана мекемелерден ичүүчү сууну камдап алууну өтүнөт.
Пикир
Оставить комментарий