Бишкек, 15.06.20. /Адил Төлөгөнов – Кабар/. Эртең Нарын облусунда "Алтын тамга" тестирлөөсүн 118 окуучу тапшырат. Бул тууралуу өкмөттүн Нарын облусундагы ыйгарым укуктуу өкүлү Эмилбек Алымкулов брифингде билдирди.
Анын айтымында, быйыл 11-классты 3 миң 453, 9-классты 5 миң 152 окуучу аяктайт. "Эртең окуучулар Кочкор районунда жана Нарын шаарындагы мектепте "Алтын тамга" тестирлөөсүн тапшырышат.
Алардын коопсуздугу боюнча укук коргоо органдарына тапшырма берилген", - дейт ал.
Облус жетекчиси 2019-2020-окуу жылынын төртүнчү чейрегин 59 миң 159 окуучу дистанттык негизде билим алганын айтат.
Пикир
Оставить комментарий