• 84.79
  • 100.79
  • 1.1

Физикалык жана юридикалык жактардан кагаз түрүндөгү документтерди суроо процедурасы жоюлду

Өкмөт 0

Бишкек, 06.04.21. /Кабар/. Кыргыз Республикасынын президентинин «Калкка мамлекеттик жана муниципалдык кызмат көрсөтүүлөрдүн жеткиликтүүлүгүн жана сапатын жогорулатуу боюнча мындан аркы чаралар жөнүндө» Жарлыгын аткаруу максатында 2021-жылдын 1-апрелинен тарта мамлекеттик органдар жана жергиликтүү өз алдынча башкаруу органдары тарабынан көрсөтүлгөн мамлекеттик жана муниципалдык кызмат көрсөтүүдө берилүүчү маалым каттарды жана/же документтерди, суралган маалыматтар санарип форматына толук которулган шарттарда кагаз түрүндө жеке жана юридикалык жактардан талап кылуу жол-жоболору жоюлат.

Өкмөттүн аппаратынын маалыматтык камсыздоо бөлүмүнөн кабарлашкандай, тийиштүү чечимге премьер-министр Улукбек Марипов кол койгон.

Документке ылайык, төмөнкүлөрдү камсыздоо тапшырылды:

- мамлекеттик жана муниципалдык кызмат көрсөтүүлөрдү берүүдө «Түндүк» электрондук ведомстволор аралык өз ара аракеттенүү системасы аркылуу мамлекеттик органдардын жана жергиликтүү өз алдынча башкаруу органдарынын ортосунда сервистердин иштөөсүн жана маалымат алмашуусун камсыздоо;

- Кыргыз Республикасынын чет өлкөлөрдө жүргөн жарандары, талап кылынган жерге кайрылган учурда, маалым каттарды жана/же документтерди кагаз түрүндө Кыргыз Республикасынын Тышкы иштер министрлигине берилүүсү;

- Кыргыз Республикасынын жеке мүнөздөгү маалыматтар чөйрөсүндөгү мыйзамдарында белгиленген өз ыйгарым укуктарынын жана компетенциясынын чегинде жеке маалыматтар менен иштөөнүн укуктук негиздери болгон бөлүктөрдө «Жеке мүнөздөгү маалыматтар жөнүндө» Кыргыз Республикасынын Мыйзамынын сакталышын камсыздоо.

Төмөндө шилтеме боюнча мамлекеттик органдар жана жергиликтүү өз алдынча башкаруу органдары тарабынан көрсөтүлгөн мамлекеттик жана муниципалдык кызмат көрсөтүүдө берилчү маалым каттардын жана/же документтердин тизими сунушталат.

Пикир

Оставить комментарий