Футзал боюнча БА чемпионаты: Кыргызстандын кыздар курамасы Иранга утулуп калды

Бишкек, 27.01.23. /Кабар/. Бүгүн, 27-январда, Ташкентте кыздар арасында футзал боюнча Борбор Азия чемпионаты старт алды.

Кыргыз футбол бирикмесинен билдиришкендей, Өзбекстандагы мелдешке Кыргызстан, Иран, Тажикстан жана Өзбекстандын курамалары катышууда.

Кыргызстандын курамасы бүгүн Ирандын командасы менен “Юнусабад” спорт комплексине беттеш өткөрүп, 5:0 эсебинде жеңилүү ызасын тартты.

Белгилей кетсек, чемпионат 31-январга чейин өтөт.