Бишкек, 14 -февраль /Кабар/. Газтүтүгүн оңдоого байланыштуу Фере көчөсү автотранспорт кыймылы үчүн жабылат деп билдирди Бишкек шаарынын мэриясынын басма сөз кызматынан.
“Кыргызстан газпрому” компаниясынын “Бишкекгаз” филиалынын маалыматына караганда, 14-февралдан тартып Фере көчөсүндөгү автожол кыймылы Элебесов көчөсүнөн тартып чыгышка карай токтотулат.
“Автотранспорттордун кыймылы орто басымдагы газтүтүгүн оңдоо иштерине байланыштуу токтотулат. Оңдоо иштери 2017-жылдын март айынын орто ченине чейин созулат”,-деп айтылат билдирүүдө.
Бишкек мэриясы шаардыктардан ыңгайсыздык үчүн кечирим сурайт жана жол тыгынына кабылбоо үчүн күн мурунтан алтернативдүү багытты тандап алууну өтүнөт.
Пикир
Оставить комментарий