Бишкек, 11.07.19. /Адил Төлөгөнов - Кабар/. Таиландда өтүп жаткан грек-рим күрөшү боюнча Азия чемпионатында кыргызстандык Нуржигит Кеңешбек уулу күмүш медалды тагынды.
Турнир Чонбури шаарында 9-июлда башталган.
Кеңешбек уулу 67 кг чейинки салмак категориясында күрөшкөн. Алтын медаль үчүн күрөштө кыргызстандык балбан ирандык Бахрам Тайяр Маруфхани Ичмех 6:0 эсебинде утулуп калган.
Турнирдин экинчи күнүндө кыргызстандык спортчулардын куржунунда эки медаль бар.
Алгачкы күмүш медалды Акылбек Талантбеков алган, ал финалдык беттеште ирандык Ирана Мохаммед Азиз Нагусиге 3:6 эсебинде жеңилип экинчи орунга илинген.
Пикир
Оставить комментарий