Бишкек, 13.05.18. /Кабар/. Бүгүн, 13-майда нөшөрлөп жааган жаандан улам Лейлек районунда сел жүрүп, бир нече турак үйдү суу каптаган.
ӨКМдин басма сөз кызматы билдиргендей, болжол менен кечки саат 17:15 чамасында Ак-Суу айыл аймагында Шорбулак сел өтүүчү сайдан сел жүрүп, Чимген айылындагы 2 турак үйдү суу каптаган.
“Андан тышкары Исфана шаарында 1 турак үйдүн жана Ак-Чайыр бала интернатынын жер төлөсүн суу каптады. Жеринде атайын техникалар иштеп жатат”,-деп айтылат маалыматта.
Аксуу айылы менен Каракамар айылын байланыштырып турган ички чарбалык жолдун 4 чакырым аралыгын сел суусу жууп кетип, жол каттамы жабылган.
“Аксуу айылынан 4 мал жана 2 электр столбасы аккан. Натыйжада Аксуу, Чоюнчу, Жаркыштак айылдарында электр жарыгы жок”,-деп билдиришти ӨКМден.
Пикир
Оставить комментарий