Бишкек, 29.10.21. /Кабар/. 2021-жылдын 29-октябрында Ички иштер министрлигинин Академиясында 1-курстун 125 курсанты ант берди. Бул тууралуу Ички иштер министрлигинин басма сөз кызматы билдирет.
Маалыматка ылайык, салтанаттуу иш-чарага ички иштер министринин орун басары Адылбек Бийбосунов, ички иштер органдарынын генералдары жана ардагерлери, ИИМ Академиясынын профессордук-окутуучулук курамы катышты.
Ант берүү аземи ИИМдин Академиясынын Туусун көтөрүү менен башталып, иш-чарага келген коноктор куттуктоо сөздөрүн сүйлөштү.
Иш-чаранын аягында Академиянын сап майданында курсанттар салтанаттуу марш менен өтүштү.
Пикир
Оставить комментарий