Бишкек, 16.08.19. /Кабар/. Журналист, жарандык активист жана КСДПнын саясий кеңешинин мүчөсү Мирбек Айтикеев кармалган жок жана суракка дагы чакырылган эмес, - деп билдирди ИИМдин басма сөз кызматы.
"Атамбаевдин тарапташтары Мирбек Айтикеевди таба албай жаткандыгын билдиришүүдө. Айрым массалык маалымат каражаттары Мирбек Айтикеев 10-октябрга чейин камакка алынганын жазып чыгышкан. Бул маалымат чындыкка дал келбейт", - деп жазылат маалыматта.
Айтикеев 7-8-август күндөрү Кой-Таш жана Бишкектеги окуяларга байланыштуу козголгон кылмыш ишинин алкагында күбө катары гана өтүүдө.
Пикир
Оставить комментарий