Бишкек, 19.04.18. /Кабар/. Өкмөттүн тарашы менен учурдагы көпчүлүк коалициясы ошол эле курамда калды, ошондой эле анын курамына дагы “Республика-Ата-Журт” кирди. Бул тууралуу “Кабар” агенттигине КСДП фракциясынан депутат Рыскелди Момбеков билдирди.
Анын айтуусунда, көпчүлүк коалицияга Республика-Ата-Журттун кириши тууралуу сунуш киргизилген.
“Бүгүн бардык үч фракция ("КСДП", "Кыргызстан", "Бир бол") сунушту карап көрүп, Республика-Ата-Журттун көпчүлүк коалицияга киришин колдошту. Бир мен гана “каршы” болдум. Эми бардык фракция лидерлери жакынкы арада өкмөт башчылыкка талапкер көрсөтүүлөрү керек”,-деп билдирди ал.
Ошентип, оппозицияда “Ата Мекен” жана “Өнүгүү-Прогресс” фракциялары калды.
Пикир
Оставить комментарий