Бишкек, 6.08.19. /Адил Төлөгөнов - Кабар/. Болгарияда өтүп жаткан кадеттер арасындагы күрөш боюнча Дүйнө биринчилиги жыйынтыкталганы Бириккен күрөш уюмунун (UWW) сайтында жарыяланды.
София шаарында 29-июлдан 4-август аралыгында өткөн турнирде Кыргызстандын курама командасы грек-рим, эркин жана кыздар арасындагы күрөш боюнча күч сынашкан.
Эркин күрөш боюнча Кыргызстандын курама командасы жалпы эсепте 18 упай менен 15-орунга илинген. Грек-рим боюнча 18 упай менен 17-орунга жайгашкан. Кыздар арасындагы күрөштө 44 упай менен 9-орунду ээлеген.
Турнирде жалгыз медалды Калмира Билимбек кызы багынткан. Ал 53 кг чейинки салмак ченинде кытайлык спортчуга 4:0 эсебинде жеңилип 2-орунду камсыз кылган.
Ал эми, Владислав Никандров (45кг), Жанболот Туратбеков (60кг) жана Назик Мирлан кызы (43кг) коло медаль үчүн күрөштө утулуп калышкан.
Пикир
Оставить комментарий