Бишкек, 06.11.19. /Кабар/. Кыргызстандагы Күрп-Сай ГЭСине белгилүү мамлекеттик ишмер Турдакун Усубалиевдин ысмы ыйгарылды. Бул тууралуу Улуттук энергохолдингдин басма сөз кызматы билдирет.
Маалыматка ылайык, иш-чара Улуттук энергохолдингдин жетекчиси Айтмамат Назаровдун катышуусунда өткөн.
«Турдакун Усубалиев өлкөнүн өнүгүшүнө зор салым кошкон. Республиканы жетектеп турган кезде өлкөнүн экономикалык негизин түзүүгө жана бекемдөөгө көп көңүл бурган», - деп билдирип, Т.Усубалиевдин тушунда өлкөдө 100дөн ашуун өнөржай ишканалары ачылган, анын ичинде ГЭСтер, эл аралык «Манас» аэропорту, заводдор, музейлер ж. б. деп кошумчалады Назаров.
Ал баса белгилегендей, гидроэнергетика – Усубалиев өзгөчө көңүл бурган тармак болгон.
Турдакун Усубалиев 1919-жылы 6-ноябрда жарык дүйнөгө келип, 2015-жылы каза болгон. Ал Совет мезгилинде Кыргыз ССРин дээрлик чейрек кылым башкарып, көз карандысыздык жылдары Жогорку Кеңештин депутаты болгон.
Турдакун Усубалиев тирүү болгондо быйыл 100 жашка чыкмак.
Пикир
Оставить комментарий