Бишкек, 23.02.21. /Кабар/. Кечээ, 22-февралда маалымат агенттиктеринин биринин жетекчиси М.У.К. 84 миң сом өлчөмүндө акча каражатын алып жаткан жеринен кармалды. Бул тууралуу Улуттук коопсуздук мамлекеттик комитетинен билдиришти.
Маалыматка ылайык, 203-берене (опузалап акча талап кылуу) боюнча иш козголгон.
"Кармалган адам арыз ээсинен мас абалында кайгуул кызматынын кызматкерлерине түшүп калган видеоматериалды өчүрүү үчүн акча талап кылган", — деп айтылат маалыматта.
М.У.К. УКМКнын тергөө абагына киргизилип, тергөө иштери жүрүүдө.
ЖМКлардын маалыматына ылайык, кармалган адам "Кабарлар" маалымат агенттигинин жетекчиси Үмүт Мукамбетова.
Пикир
Оставить комментарий