Бишкек, 01.12.21. /Кабар/. Кадамжай райондук ички иштер бөлүмүнүн жетекчилиги демилге көтөрүп, айыл аксакалдар, мектеп мугалимдер жана ушул маселеге тийиштүү мекеме-ишкананын өкүлдөрү менен Көтөрмө айыл аймагындагы Молдо Нияз орто мектебинин окуучуларына зордук-зомбулуктун алдын алуу жана болтурбоо боюнча сабактар өткөрүлдү. Бул тууралуу Баткен облустук милициясынын басма сөз кызматы билдирет.
Маалыматка ылайык, сабактардын жүрүшүндө жаш өспүрүмдөргө карата колдонулган зордук-зомбулуктар, үй-бүлөлүк чыр-чатактарды болтурбоо, эрте никеге туруунун алдын алуу боюнча түшүндүрмөлөр берилди. Мектеп окуучулары тарабынан алгылыктуу суроолор берилип, канааттандырарлык жооптор алынды.
Ушундай эле иш-чаралар район аймагындагы башка аймактардагы мектептерде да жүргүзүлүп жатат.
Белгиленгендей, 2021-жылдын 11ай ичинде райондун аймагында жашы жете электерге карата зордук-зомбулуктун 1 фактысы катталып, соттук кароого жөнөтүлгөн.
Пикир
Оставить комментарий