Бишкек, 01.05.21. /Кабар/. Кайыңды шаарында катуу шамал катталып, турак үйдүн чатырын учуруп кетти. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, кечээ, 30-апрелде саат 20:40тар чамасында Чүй облусунун Панфилов районунда катуу шамал катталып, Кайыңды шаарында жайгашкан үч кабаттуу турак үйдүн тунике менен жабылган 42 чарчы метр чатырын учуруп кеткен, жабыркагандар жок.
Бүгүн, 1-майда райондук ЖК комиссиясы тарабынан жеринде тактоо иштери жүргүзүлүп, келтирилген чыгым аныкталат.
Пикир
Оставить комментарий