Бишкек, 14.05.19. /Кабар/. Кечээ, 13-майда Ош облусунун Кара-Суу районундагы Жаңы-Турмуш айылынын Ибн-Сина көчөсүндө жанаша турган төрт үйдүн болжол менен 629 чарчы метр чатыры күйгөн. Бул тууралуу Өзгөчө кырдаалдар министрлиги билдирди.
Өрт болжол менен саат 20:20да башталган. Саат 21:22де өрт чектөөгө алынып, саат 22:36да толугу менен өчүрүлгөн.
Өрттөн кырсыктагандар болгон эмес.
Алдын ала божомол боюнча, өрт электр шаймандарын техникалык пайдаланууда эреженин бузулушунан (электр зымдарынын кыска туташуусу) келип чыккан.
Пикир
Оставить комментарий