Бишкек, 22.09.21. /Кабар/. Бүгүн, 22-сентябрда Каракол шаардык ички иштер башкармалыгынын жыйындар залында Ысык-Көл Мамлекеттик университетинин педагогика факультетинин деканы, филология илимдеринин кандидаты, доцент Асель Анапияеванын катышуусунда Мамлекеттик тил күнүнө карата “Мамлекеттик тилдин оратордук искусстводогу чеберчилигинин ролу” жана “Тил - улуттун баа жеткис зор байлыгы” аталышындагы бир жарым сааттык слайд жана тасманын коштоосу менен илимий конференция өткөзүлдү. Бул тууралуу Каракол шаардык милициясынын басма сөз кызматы билдирет.
Маалыматка ылайык, иш-чарада облустук жана шаардык милиция кызматкерлери тарабынан көркөм ыр айтуулар уюштурулду.
Ошондой эле облустун шаар, райондук ички иштер бөлүмдөрүндө филология мугалимдеринин катышуусу менен мамлекеттик тил күнүнө арналган иш-чаралар, тегерек столдор уюштурулууда.
Пикир
Оставить комментарий