Бишкек, 02.11.18 /Кабар/. “Каркыра - автожол” (КР) жана “Кеген - автожол” (Казакстан Республикасы) көзөмөл өткөрмө пункттары убактылуу ишин токтотту. Бул тууралуу Мамлекеттик чек ара кызматынан маалымдашты.
2018-жылдын 31-октябрынан баштап аталган көзөмөл өткөрмө пункттарында жарандарды, унаа каражаттарын, жүктөрдү өткөрүү токтотулган.
“Каркыра” өткөрмө пункту 2019-жылдын 1-майынан тарта ишин баштамакчы.
“Каркыра” өткөрмө пункту кыргыз-казак мамлекеттик чек арасындагы мезгилдүү өткөрмө пункт болуп, май-октябрь айлар арасында иштейт.
Пикир
Оставить комментарий