Бишкек, 16.10.18. /Кабар/. Теңгенин кунун жоготуп жатышы — тышкы факторлорго байланыштуу. Бул тууралуу 16-октябрда казак өкмөтүнүн жыйынында өлкөнүн Улуттук банкынын төрагасы Данияр Акишев билдирди.
«Теңгенин алсызданышы тышкы факторлорго байланыштуу. Биринчиден, бул АКШ долларынын өнүгүп келе жаткан өлкөлөрдүн валюталарына карата бекемделиши. Экинчи фактор — антиорусиялык санкциялар катаалдантыла тургандыгы жөнүндөгү билдирүүлөр. Мындан улам жыл башынан бери орус рубли 15 пайызга төмөндөдү. Улуттук банк чектерди койбостон, эркин алмаштыруу курсуна багытталган саясатын улантууда», — деди Акишев.
Анын айтымында, жыл башынан бери валюта базарында теңгенин курсу 11,3 пайызга арзандаган.
Казакстандын Улуттук банкы тарабынан 16-октябрга карата белгиленген доллардын расмий курсу 369,98 теңгени түздү.
Пикир
Оставить комментарий