Бишкек, 22.08.19. /Кабар/. Казакстандык куткаруучулар Тянь-Шань тоолорунда жоголгон казакчтандык альпинистрдерди издөө иштерин улантты. Бул тууралуу Казакстандын Өзгөчө кырдаалдар министрлиги билдиргенин tengrinews.kz жазып чыккан.
"Бүгүн, саат 08:40та издөө иштерин жүргүзүү үчүн Алматы облусунун "Каркара" лагеринен Казавиаспасанын Ми-171 борту учуп кеткен. Тоолордо аба-ырайы ачык", - деп жазылат маалыматта.
Кечээ, тоодо кар жаагандыктан, издөө иштери убактылуу токтотулган.
Эскерте кетсек, Кыргызстандын тоолорунда жоголгон Мурат Отепбаев, Андрей Корнеев жана Александр Чечулин аттуу казакстандык жарандар изделүүдө.
Пикир
Оставить комментарий