Бишкек, 29.01.19. /Кабар/. Кечээ, 28-январда Казакстандын премьер-министри Бакытжан Сагинтаев Кыргызстандын Казакстандагы элчиси Жээнбек Кулубаевди Астана шаарындагы өкмөт үйүндө кабыл алды.
КР ТИМдин басма сөз кызматынан кабарлашкандай, жолугушуу учурунда элчи Сагинтаевге 2017-жылдын декабрь айында кол коюлган Жол картанын жана 2018-жылдын август айында кол коюлган Өкмөт аралык Кеңештин 7-чи отурумунун Протоколунун ишке ашуусу боюнча маалымат берди.
Ошондой эле эки тарап кыргыз-казак соода-экономикалык, маданий-гуманитардык жана регион аралык кызматташуусун өнүктүрүү маселеси боюнча пикир алмашышты.
Б.Сагинтаев Кыргызстандын премьер-министри М.Абылгазиевге жылуу саламын айтуу менен бирге жакынкы арада Алматы шаарында ЕАЭСтин отурумунда жолугушарына үмүт кылды.
Пикир
Оставить комментарий