• 81.21
  • 82.35
  • 1.32

Киев шаарында айыл чарба тармагы боюнча кыргыз-украин бизнес форуму өттү

1252 кароо Экономика 0

Бишкек, 09.06.21. /Кабар/. Кечээ, 8-июнда Украинанын Киев шаарында айыл чарба тармагы боюнча кыргыз-украин бизнес форуму өттү. Бул тууралуу КР ТИМдин басма сөз кызматы билдирет.

Маалыматка ылайык, бизнес форум Кыргызстандын Украинадагы элчилиги тарабынан КР Соода-өнөр жай палатасынын өкүлчүлүгү, Украинанын Соода-өнөр жай палатасы, Украинанын Улуттук агрардык илимдер академиясы менен биргеликте уюштурулган.

Кыргызстандын Украинадагы элчиси Жусупбек Шарипов өзүнүн саламдашуу сөзүндө инвестициялык климат, Кыргызстандагы агрардык сектордун мүмкүнчүлүктөрү жөнүндө маалымат берип, украиналык ишканаларды Кыргызстандын айыл чарба тармагына активдүү инвестиция салууга жана кыргыз өнөктөштөрү менен биргеликте агро-өнөр жай ишканаларын ачууга чакырды.

Катышуучулар Кыргызстандын жана Украинанын айыл чарба тармагындагы долбоорлору жөнүндө маалымат бөлүшүп, презентацияларды көргөзүштү. Форумдун алкагында украин ишкерлери менен B2B жолугушуулары уюштурулду.

Украинанын тажрыйбасы менен таанышуу жана изилдөө максатында кыргыз делегациясы Украинанын Улуттук агрардык илимдер академиясынын балыкчылык, багбанчылык жана балчылык институттарына барышты.

Мындан тышкары, бизнес-форумдун катышуучулары "Агро-2021" 33-Эл аралык агро-өнөр жай көргөзмөсүнө катышты.

Бизнес-форумдун жыйынтыгы боюнча кыргыз жана украин ишкер чөйрөлөрүнүн ортосунда байланыштар түзүлүп, Украинанын Улуттук илимдер академиясынын илимий институттары менен кызматташуу боюнча келишимдер түзүлдү.

Форумдун жыйынтыгында кыргыз компаниялары менен Украинанын Улуттук агрардык илимдер академиясынын ортосундагы кызматташтык жөнүндө протоколдорго кол коюлду.

Пикир

Оставить комментарий