ӨКМ сутка ичинде аткарылган иштер боюнча кыскача маалымат берди

Бишкек, 10.04.20. /Кабар/. Өзгөчө кырдаалдар министрлиги өткөн сутка ичинде аткарылган иштер боюнча кыскача маалымат берди.

Ага ылайык, 2020-жылдын 9-апрель күнү өлкө боюнча 19 500 погондук метр унаа жолдор дезинфекцияланды, жалпысынан 12077 орундук даярдалган, Бишкек шаарындагы жана региондордогу обсервацияда жайгаштырылган жарандарга ӨКМ тарабынан күн сайын 3 маал ысык тамак-аш берилүүдө ( меню алмаштырылып турат), өлкө боюнча санитардык-карантиндик жана блок постторго ӨКМ тарабынан 120 даана чатыр жана 58 мобилдик турак-үй орноштурулган. Ошондой эле жер жерлерде ӨКМ тарабынан гуманитардык жардамдар жеткирилүүдө.

“112 ыкчам номуруна өткөн сутка ичинде жалпы 8595 чалуу катталып, анын ичинен 600 коронавирус боюнча чалуу түшкөн, өлкөдө уюштурулган постторго, дезинфекциялоо жумуштарын аткаруу жана обсервацияда жайгашкан жарандарга ыңгайлуу шарт түзүүгө (орундук, тамак-аш жеткирүү) ӨКМ тарабынан 349 куткаруучу жана 99 унаа тартылган”, - деп айтылат маалыматта.