Өкмөт: 2019-жылы ИДПнын көлөмү 590 млрд сомду түздү

Өкмөт 0

Бишкек, 20.01.20. /Кабар/. 2019-жылдын жыйынтыгы боюнча ИДПнын көлөмү 590 млрд сомду түзүп, реалдуу алганда, 4,5%га жогорулады. Өнөр жай продукциянын көлөмү дээрлик 278,6 млрд сомду түзүп, 2018-жылга салыштырмалуу 21 млрд сомго өскөн. Өнөр жай өндүрүшүнүн көлөмү металл кени, негизги металлдар, курулуш материалдары, кийим-кече, чийки нефть, жаратылыш газы жана көмүр казуу, ошондой эле тамак-аш өнөр жайындагы өндүрүштүн өсүшүнүн эсебинен камсыздалды. Муну менен катар курулуш тармагында 19,6%, айыл чарба тармагында 2,6%, кызмат көрсөтүү – 2,9% өсүш бар. Мындай маалыматтар вице-премьер-министр Замирбек Аскаровдун төрагалыгы алдында өткөн жыйында айтылды.

Вице-премьер-министр 2019-жылдын 11 айында тышкы соода жүгүртүүдөгү өзгөрүүнү белгилеп, анын көлөмү 6,2 млрд АКШ долларын түзгөнүн кошумчалады.

«Эгерде импорт 6,6% төмөндөсө, экспорттун көлөмү, тескерисинче 9,4% өскөн. Бул өсүш алтын, кен жана баалуу металлдардын концентранты, цемент, керамика өндүрүшү, жер семирткич, мөмө жемиш жана жаңгак, жашылча, эт жана эт азыктарынын экспортунун көлөмүнүн көбөйүүсү менен шартталды. Импорт товарларды реэкспорттоонун негизинде төмөндөдү. Буга байланыштуу соода балансынын терс сальдосу 465 млн АКШ долларына чейин кыскарган. Бул абдан жакшы көрсөткүч», - деди Замирбек Аскаров.

Пикир

Оставить комментарий