Бишкек, 27.09.21. /Кабар/. Ирландиялык мушкер, UFC уюмунун эки салмак категориядагы мурдагы чемпиону Конор Макгрегор Twitter соцтармагындагы баракчасы аркылуу Валентина Шевченкону куттуктады.
“Беттеш үчүн ыйык түн. Валентина, сен кереметсиң!” - деп жазган Макгрегор.
Эскерте кетсек, Кыргызстандык спортчу Валентина Шевченко америкалык Лорен Мерфини утуп, алтынчы ирет чемпиондук курун коргоп калды.
Беттеш Лас-Вегас шаарында UFC 266 мелдешинин алкагында өттү.
UFC уюмунун эң жеңил салмактагы чемпиону Валентина Шевченко атаандашын төртүнчү раундда жеңген.
Пикир
Оставить комментарий