Бишкек, 31.10.20. /Кабар/. Конституциялык реформа - бул мезгилдин жана элдин талабы. Бул тууралуу бүгүн Конституциялык реформаны талкуулаган тегерек столдун жүрүшүндө вице-премьер-министр Максат Мамытканов билдирди.
Анын айтуусуна караганда, элдин алдында чоң тандоо турат: башкаруунун кандай формасын каалашат.
«Кыргызстан супер президенттик да парламенттик да башкарууну көрдү. Биз элге тандоо мүмкүнчүлүгүн беришибиз керек. Дал ушул Конституция бизди азыркы күнгө алып келди. Конституциялык реформа - элдин талабы. Таза шайлоо да элдин талабы. Эл тандайт, ошондуктан да биз бүгүн референдумга баруу керектигин айттык», - деди Мамытканов.
Пикир
Оставить комментарий