• 89.47
  • 96.56
  • 0.97

Коронавирус: Кара-Көл жана Таш-Көмүр милициясы түшүндүрүү иштерин жүргүзүүдө

Аймак 0

Бишкек, 21.04.20. /Кабар/. Кара-Көл жана Таш-Көмүр милициясы жугуштуу илдетке байланыштуу түшүндүрүү иштерин жүргүзүүдө.

Жалал-Абад шаары жана Сузак району боюнча комендатурасынын басма сөз кызматынан кабарлашкандай, Кара-Көл шаары Бишкек-Ош жолунун аймагында жайгашкандыктан жарандардын коопсуздугун камсыздоо, коронавирус илдетинин алдын алуу максатында ШИИБдин кызматкерлери күнү-түнү кызмат өтөп жатышат.

"Шаар аймагына 3 жерге санитардык-карантиндик посттор коюлуп, тиешелүү кызматтар элдин саламаттыгы үчүн жумуш алып барууда. Алар трасса аркылуу Кара-Көл аймагына кирип-чыгып жаткан автоунааларды көзөмөлдөп, дезинфекциялап жана дене табы көтөрүлгөн жүргүнчүлөр болсо, текшерүүгө алышууда", - деп айтылууда маалыматта.

Ошондой эле милиция кызматкерлери шаар тургундарына жугуштуу илдеттин жайылуусун болтурбоо багытында түшүндүрүү иштерин жүргүзүүдө.

Ушундай эле иш-чаралар Таш-Көмүр ШИИБи тарабынан да жүргүзүлүп жатат. Милиция кызматкерлери учурдун көйгөйү болгон илдетке байланыштуу шаар тургундарына түшүндүрүү иштерин жүргүзүшүүдө. Беткабы жок көчөдө жүргөн атуулдарга эскертүүлөр берилип, жарандарга беткаптар таратылды.

Пикир

Оставить комментарий