Бишкек, 23.03.20. /Кабар/. Өкмөт үйүндө өткөн маалымат жыйында Саламаттык сактоо министрлигинин коомдук саламаттык сактоо башкармалыгынын башчысы Айнура Акматова коронавирус жуктуруп жандандыруу бөлүмүнө жаткырылган бейтаптын абалын айтып берди.
Анын айтымында, Жалал-Абад облусунда дарыланып жаткан 71 жаштагы эркек киши жандандыруу бөлүмүнө жаткырылган. “Жандандыруу бөлүмүндө жаткан адамдын абалы туруктуу. Ал эми, коронавирусту жуктурап алган калган жарандардын саламаттыгы канааттандырарлык”, - дейт Акматова.
Белгилей кетсек, Кыргызстанда COVID-2019 илдетин жугузгандардын саны расмий түрдө 16 кишиге жетти (7 эркек, 9 аял). Баткен облусу – 1 адам, Сузак району – 8 адам, Ноокат району – 5 адам жана Бишкек шаарында – 2 адам.
Пикир
Оставить комментарий