• 84.8
  • 101.57
  • 1.12

Коронавируска каршы күрөшүү боюнча атайын эсепке жарандардан 125,4 млн сом келип түштү

COVID - 19 0

Бишкек, 16.04.20. /Кабар/. Коронавируска каршы күрөшүү боюнча атайын эсепке жеке жана юридикалык жактардан 15-апрелге карата (саат 17:00) 125 млн 404 миң 486 сом келип түштү. Бул тууралуу республикалык штабдан билдиришти.

Ачылган эсепке келип түшкөн акча каражаттар жана алардын сарпталышы тууралуу маалымат онлайн режиминде help.covid.kg сайтына жайгаштырылган – ал жерде Саламаттык сактоо министрлигине, Эмгек жана социалдык өнүктүрүү министрлигине, Бишкек шаарынын мэриясынын эсебине түшкөн каражаттар тууралуу маалыматтар бар.

Ачык-айкындуулукту жогорулатуу үчүн ресурста төмөндөгүдөй маалыматтар көрсөтүлүүдө:

- Атайын депозиттик эсептерге түшкөн акча каражаттар жана аларды бөлүштүрүү;

- Келип түшкөн жана көрсөтүлгөн гуманитардык жардамдын көлөмү;

- Жардамды бөлүштүрүү: которуулардын негиздемелери, келип түшкөн кайрымдуу жардам кимге жана кайда жөнөтүлдү.

Ресурста жайгаштырылган кошумча маалымат:

- жардам көрсөткөн булак, берилген жардамдын беренелер боюнча бөлүштүрүлүшү жана анын көлөмү;

- азык-түлүк алууга жарандардан келип түшкөн билдирмелердин саны, жардамга муктаж үй-бүлөлөрдүн саны жана көрсөтүлгөн жардамдын көлөмү;

- "ыкчам байланыш" боюнча көп берилген суроолор боюнча маалымат.

Маалыматтык ресурс Кыргызстандагы БУУнун Өнүктүрүү программасынын колдоосу менен Маалыматтык технологиялар жана байланыш мамлекеттик комитетинин алдындагы IT штабдын адистери тарабынан иштелип чыккан.

Пикир

Оставить комментарий