Бишкек, 18.06.18. /Кабар/. Коррупция фактысы боюнча мурдагы премьер-министр Жантөрө Сатыбалдиев кармалды, - деп билдирет УКМКнын басма сөз кызматы.
Маалыматка ылайык, бүгүн, 18-июнда "Бишкек ЖЭБин модернизациялоодогу" коррупция фактысы боюнча КР Кылмыш-жаза кодексинин 30-беренесинин 6-бөлүгүндө жана 303-беренесинин 1-бөлүгүндө каралган кылмышка шектүү катары мурунку премьер-министр Жантөрө Сатыбалдиев кармалды.
Учурда Жантөрө Сатыбалдиев КР УКМКнын убактылуу кармоочу жайынын Тергөө камак жайына киргизилди.
Тергөө жүрүп жатат.
Пикир
Оставить комментарий