Бишкек, 31.10.17. /Нуркыз Сабырова – Кабар/. 2017-жылдын акыркы 9 ай ичинде өзгөчө кырдаалдардан 119 адам каза болгон. Бул былтыркы жылга салыштырмалуу 2,8% көп. Бул тууралуу ӨКМдин коллегиясында айтылды.
ӨКМ министринин орун басары Калыс Ахматов билдиргендей, январь-сентябрь айлары аралыгында 318 өзгөчө кырдаал катталып, анын көрсөткүчү 34,2 % жогорулаган.
Анын айтымына караганда, кыш-жаз мезгилдеринде болгон жер көчкүлөрдөн эле 34 адам каза болгон.
Техногендик катастрофадан эле 9 айдын ичинде 47 адам көз жумган. Ахматовдун айтуусу боюнча, алардын арасына Дача-Су айылында кулаган учак, өрт жана ири жол кырсыктары кирген.
Пикир
Оставить комментарий