Бишкек, 07.03.18 /Кабар/. Жогорку Кеӊеште Улуу Британия менен экономикалык мамилелерди ыраатташтырууга багытталган КР Өкмөтү менен Улуу Британия Өкмөтүнүн ортосундагы Кош салык салуудан качуу жана кирешелерге, капиталдын өсүшүнө салык төлөөлөрдү болтурбоо жөнүндө макулдашуу тууралуу ратификациялык мыйзам долбоору каралып, анын концепциясы добуш берүүгө жөнөтүлдү. Бул тууралуу парламенттин басма сөз кызматы билдирди.
Бул мыйзам долбоору Кыргызстан менен Бириккен Королдуктун салыктык мыйзамдарындагы өз ара мамилелеринде жалпы ыкманы иштеп чыгуу үчүн зарыл. Бул долбоор эл аралык кош салык салуунун укуктук чөйрөсүндө пайда болгон жалпы көйгөйлөр менен милдеттерди чечүүдө бирдиктүү форма болуп саналат.
Пикир
Оставить комментарий