КРнын футбол боюнча кыз-келиндер курамасы “CAFA Women’s Championship” турнирине катышат

Бишкек, 23.11.18 /Кабар/. 23-ноябрдан 1-декабрга чейин Ташкент шаарында кыз-келиндердин футбол боюнча Улуттук командаларынын “CAFA Women’s Championship 2018 Uzbekistan” турнири өтөт.

Таймашка Кыргызстан, Тажикстан, Афганистан, Өзбекстан жана Ирандын командалары катышат. Футболдук беттештердин баары “Миллий” стадионунда өтөт.

Ташкенттеги “CAFA Women’s Championship 2018” биринчилигинде оюндар айлампа түрүндө өтөт. Курамалар бир айлампа ойноп, көбүрөөк упай топтогон курама жеңүүчү аталат.