Бишкек, 18.05.21. /Кабар/. Кыргызстандын Россиядагы элчиси Гүлнара-Клара Самат РФнын президенти Владимир Путинге ишеним грамотасынын көчүрмөсүн тапшырды. Бул тууралуу Кремлдин расмий сайтында маалымдалат.
Маалыматка ылайык, ишеним грамоталарын кабыл алуу аземи бүгүн, 18-майда Кремлде өткөн.
«Кыргызстан менен стратегиялык өнөктөштүк жана союздаштык алакалар чыңдалууда. Биздин өлкөлөрдү жалпы тарых барактары бириктирип турат. Россия жана Кыргызстан соода-экономикалык, аскердик-техникалык, маданий-гуманитардык жана башка тармактарда ийгиликтүү кызматташып келет. Биргеликте евразиялык интеграцияны өнүктүрүүгө салым кошууда. Ушул жана башка маселелер боюнча 24-майда Сочиде президент Садыр Жапаров менен болчу жолугушууда кеңири сөз кылабыз», - деп билдирген Путин элчилерден ишеним грамоталардын көчүрмөсүн кабыл алып жатып.
Пикир
Оставить комментарий