Бишкек, 20.03.19. /Кабар/. Белгилүү актер, Кыргызстандын эмгек сиңирген артисти Сатылган Сазаев узакка созулган боор оорусунан улам 57 жашында каза болду. Бул тууралуу Т.Абдумомунов атындагы академиялык драма театрынан кабарлашты.
Маалыматка ылайык, Сазаев бүгүн, 20-мартта түшкө маал көз жумган. Маркум бир топ убакыттан берип боор циррозу илдети менен ооруп жүргөндүгү айтылды.
Сазаев Сатылган Акынович - 1962-жылы 13-майда Талас обласунун Арал айылында жарык дүйнөгө келген.
1980-1982-жылдары Советтик Армиянын катарында кызмат өтөгөн.
1983-1985-жылдары Фрунзедеги театралдык студияда окуган.
1985-1989-жылдары М.С.Щепкин атындагы театралдык жогорку окуу жайын бүтүргөн.
1992-жылдан 2014-жылга чейин Токтоболот Абдумомунов атындагы Кыргыз улуттук драма театрында эмгектенген.
2014-2018-жылдары М.Жангазиев атындагы мамлекеттик куурчак театрынын директорлук кызматын аркалаган.
Пикир
Оставить комментарий