Бишкек, 02.12.19. /Кабар/. Кыргыз тилинин фразеологизмдеринин онлайн сөздүгү түзүлдү. Бул тууралуу Улуттук илимдер академиясынын эл аралык кызматташуу жана коомчулук менен байланыш бөлүмүнөн билдиришти.
Онлайн сөздүк "Эл-Сөздүк" кыргыз тилинин онлайн сөздүгү жана Улуттук илимдер академиясынын Ч. Айтматов атындагы кыргыз тил жана адабият институту биргелешип жасаган иш болгон.
"Фразеологизмдердин онлайн сөздүгү, кыргыз тил институту 2015-жылы чыгарган "Кыргыз тилинин фразеологиялык сөздүгүнүн" негизинде түзүлгөн. Сөздүктө фразеологизмдердин чечмелениши көркөм адабият жана мезгилдүү басма сөздөн алынган мисалдар менен коштолот", - деп билдиришти Илимдер академиясынан.
Илимдер академиясынан белгилешкендей, жакын арада "Эл-Сөздүктүн" базасы кыргыз тил институту түзгөн "Кыргыз тилинин түшүндүрмө сөздүгү", "Манас" эпосунун сөздүгү", "Синонимдер сөздүгү", "Антонимдер сөздүгү" ж.б. сөздүктөр толукталат.
Пикир
Оставить комментарий