• 89.51
  • 97.5
  • 0.97

Кыргыз-өзбек кызматташтыгы: 2023-2025-жылдарга стратегиялык соода-экономикалык өнөктөштүк программасына кол коюлду

Экономика 0

Бишкек, 27.01.23. /Кабар/. Өзбекстандын президенти Шавкат Мирзиёевдин Кыргызстанга мамлекеттик сапарынын алкагында Кнын экономика жана коммерция министри Данияр Амангелдиев жана Өзбекстандын инвестициялар, өнөр жай жана соода министри Лазиз Кудратов Өзбекстан Республикасынын өкмөтү менен Кыргыз Республикасынын министрлер кабинетинин ортосундагы 2023-2025-жылдарга стратегиялык соода-экономикалык өнөктөштүк программасына кол койду.

Программа төмөнкү багыттар боюнча стратегиялык соода-экономикалык кызматташтыкты өнүктүрүүнүн негизги багыттарын аныктайт:

Өз ара сооданын көлөмүн 2 млрд долларга жеткирүү чараларын камтыган өз ара соода, эки өлкөнүн ортосундагы сооданын статистикасындагы айырманы азайтуу боюнча чараларды көрүү, өз ара негизде текстиль, электротехника, тамак-аш товарларын фармацевтика, булгаары жана бут кийим, айыл чарба продуктылары, курулуш материалдары, түстүү металлдар, алюминий, кемур, цементти жеткирүүнүн көлөмүн көбөйтүү.

Өнөр жай кооперациясы - өзбек-кыргыз өнүктүрүү фондунун каражаттарын тартуу менен өнөр жай кооперациясынын долбоорлорун ишке ашырууну, эки өлкөнүн аймактарында курулуш материалдарынын жаңы биргелешкен өндүрүшүн өнүктүрүүнү, фармацевтикалык препараттарды, буюмдарды жана дары-дармектерди чыгаруу боюнча Кыргызстанда биргелешкен ишканаларды түзүүнү карайт. Мындан тышкары, Кара-Балта шаарында трикотаж кездемелерин жана тигүү буюмдарын чыгарууну уюштуруу, Жалал-Абад облусунда «Арт Софт Холдинг» ЖЧКсы тарабынан жип тигүү боюнча биргелешкен өндүрүштү түзүү жана башка бир катар биргелешкен долбоорлорду ишке ашыруу пландаштырылууда.

Транспорт жана логистика тармагына Кытай – Кыргызстан – Өзбекстан темир жол каттамын курууну баштоо, ири шаарлардын ортосундагы автобус жана автоунаа жүргүнчүлөрүнүн санын көбөйтүү, анын мүмкүнчүлүктөрүн пайдалануу Кашгар-Эркечтам-Ош-Анжиян-Ташкент мультимодалуу транспорт коридорун өнүктүрүү долбоорлору камтылган.

Айыл чарбасы – Кыргызстанда мал чарба кластерин, интенсивдүү бакчаларды жана күнөсканаларды түзүү боюнча иш-чаралар пландаштырылууда.

Энергетика – Кыргызстандагы Камбар-Ата ГЭС-1 куруу долбооруна катышуу, Кыргызстандын көмүр кендерин иштетүү долбоорлоруна жана Өзбекстандын ишканаларынын керектөөлөрү үчүн көмүрдү борборлоштурулган сатып алуу боюнча келишим түзүү.

Пикир

Оставить комментарий