• 84.95
  • 89.72
  • 1.35

Кыргызстан менен Түркиянын маданият министрлери кызматташтыкты талкуулашты

262 кароо Маданият 0

Бишкек, 04.10.22. /Кабар/. Кыргызстандын маданият, маалымат, спорт жана жаштар саясаты министри Азамат Жаманкулов Түркиянын маданият жана туризм министри Мехмет Мухаррем Касапоглу менен жолукту.

Ведомствонун басма сөз кызматынан кабарлашкандай, тараптардын жолугушуусу Түркиянын Инзик шаарында өткөн төртүнчү Дүйнөлүк көчмөндөр оюндарынын алкагында өткөрүлгөн.

Азамат Жаманкулов министр Мехмет Мухаррем Касапоглуга Дүйнөлүк көчмөндөр оюндарынын ачылыш аземи жогорку деңгээлде уюштурулгандыгы жана аны Түркия колдоого алып, өткөрүп жатканына ыраазычылык билдирди.

Ошондой эле ал Кыргызстанда негизделген улуу оюндун дүйнөлүк алкакка чыккандыгын чоң жетишкендик жана мамлекет үчүн маанилүү экендигин баса белгиледи.

Белгилей кетсек, IV Дүйнөлүк көчмөндөр оюндары Түркиянын Изник шаарында 29-сентябрдан 2-октябрга чейинки аралыкта өттү.

Көчмөндөр оюндарында Кыргызстандын 148 спортчусу 11 спорттун түрүнөн күчүн сынады: көк бөрү, алыш бел боо күрөшү, татар күрөш, ашыртмалы аба күрөшү, капышмалы аба күрөшү, пахлавани, шалвар күрөшү, май күрөшү, таяк тартыш, көк пар жана салттуу жаа атуу. Ал эми көргөзмө оюн катары кыргыз күрөш жана тогуз коргоол кирген.

Пикир

Оставить комментарий