• 87.42
  • 93.12
  • 1.14

Кыргызстан менен Өзбекстандын ишкерлер чөйрөсү жети меморандумга кол койду

451 кароо Экономика 0

Бишкек, 26.01.23. /Кабар/. Бишкекте Кыргызстан менен Өзбекстандын ишкерлер чөйрөсү ортосунда кызматташтык жөнүндө жети меморандумга кол коюлду. Бул тууралуу Соода-өнөр жай палатасынын басма сөз кызматынан билдиришти.

Маалыматка ылайык, тараптардын жолугушуусу бүгүн, 26-январда кыргыз-өзбек бизнес-форумунун алкагында өткөн. Эки республиканын ири ишканаларынын жүздөн ашык өкүлү биргеликте маселелерди талкуулашып, кызматташуу боюнча бир катар макулдашууларга кол коюшту.

Ишкерлер кеңешинин отурумунун жыйынтыгы боюнча;

  • Кыргызстандын зергерлер жана ишкерлер союзу жана Өзбекстандын "Өзбеккаргарсаноати" ассоциациясы;
  • Кыргызстандын Соода-өнөр жай палатасынын жана Өзбекстандын Анжиян аймактык соода-өнөр жай палатасынын “Ош облустук бөлүмү " мекемеси менен;
  • ЕККУ бизнес-ассоциациясы менен Өзбекстандын экспортерлор ассоциациясынын ортосундагы өз ара түшүнүшүү жөнүндө меморандум;
  • Кыргызстандын фармацевтикалык союзу менен Өзбекстандын фармацевтикалык тармакты өнүктүрүү боюнча агенттигинин ортосундагы кызматташтык жөнүндө меморандум;
  • Кыргызстандын "Экоэкспорт" ЖЧКсы менен Өзбекстандын жайыт чарбаларын өнүктүрүү боюнча ассоциациясынын ортосундагы өз ара түшүнүшүү жөнүндө меморандум;
  • Кыргызстандын туроператорлор ассоциациясы менен Өзбекстандын Туризм инвесторлору ассоциациясынын ортосундагы кызматташтык жөнүндө меморандум;
  • Кыргызстандын "УИА" компаниялары менен Өзбекстан Республикасынын "Фаст-групп" ЖЧКсынын ортосундагы 20 миллион долларлык кызматташтык жөнүндө меморандумга кол коюлду.

Соода-өнөр жай палатасынын президенти Темир Сариев өз сөзүндө Кыргызстан менен Өзбекстандын ортосундагы мамилелердин жаңы баскычы башталганын билдирди. Биринчи этап – бизнести биргелешип алга жылдырууга жардам берүү.

"Биз горизонтторду аныктадык. Бул жылына 2 миллиард АКШ доллары. Мындай деңгээлге жетүү үчүн эки өлкөнүн Соода-өнөр жай палаталары ар тараптуу көмөк көрсөтүүгө даяр. Биз эки мамлекеттин ортосунда "жашыл коридор" ачабыз деп макулдаштык. Бизнес, мамлекеттик органдар менен иштешүүгө жана бардык көйгөйлөрдү чечүүгө даяр", - деп белгиледи Сариев.

Өзбекстан Соода-өнөр жай палатасынын төрагасынын орун басары Жамшед Ураков дагы эки палатанын өз ара түшүнүшүүсү жаңы деңгээлге чыкты деп эсептейт. Ал эми ишкерлер Соода-өнөр жай палатасынын ресурстарынын жардамы менен маселелерди чечүүгө кызыкдар. "Кыргызстандын Соода-өнөр жай палатасына ишкер кеңешти уюштургандыгы үчүн өзгөчө ыраазычылык билдирем. Бүгүн биздин мамилебиздин тарыхый учуру жөнүндө айта алабыз. Темир Сариевдин экономикалык жактан чоң тажрыйбасы бар жана бул биздин мамилелерибиздин мындан аркы өнүгүшүнө өбөлгө түзөт", - деп эсептейт Ураков.

Пикир

Оставить комментарий