• 89.47
  • 96.43
  • 0.97

Кыргызстан Россиядан эмнени импорттоп, РФга эмнелерди экспорттойт?

Экономика 0

Бишкек, 09.06.22. /Кабар/. КР экономика жана коммерция министри Данияр Амангелдиев кыргыз-орус аймактар ​​аралык тогузунчу конференциясынын пленардык жыйынында Кыргызстан менен Россиянын ортосундагы импорт-экспорт тууралуу маалымат берди.

Анын айтымында, Кыргызстандан Россияга болгон экспорттун негизги үлүшүн жеңил жана текстиль өнөр жайынын продукциялары (кийим, бут кийим, башка текстиль буюмдары, пахта буласы), жашылча-жемиштер, жаңгактар, сүт азыктары, булгаары буюмдары, кара жана түстүү металлдардын сыныктары жана калдыктары, электр лампалары, автотранспорттун запастык бөлүктөрү, нефть продуктылары (автокеросин) жана башкалар түзөт.

"Ал эми Россиядан Кыргызстанга отун-энергетикалык ресурстар (нефть продуктылары, жаратылыш газы), тамак-аш азыктары жана айыл чарба сырьесу, химиялык өнөр жай продукциясы, кара металлдар жана алардан жасалган буюмдар, жыгач жана целлюлоза-кагаз буюмдары, машиналар, жабдуулар жана транспорт каражаттары, алардын тетиктери, текстиль жана бут кийимдер ж.б импорттолот,” – деп белгиледи министр.

Данияр Амангелдиев биздин өлкө энергетика, өнөр жай жана инфраструктура, туризм жана жаңы технологиялар сыяктуу тармактарда дүйнөлүк лидер болуп саналган алдыңкы россиялык компаниялар менен кызматташууга кызыкдар экендигин билдирди.

Пикир

Оставить комментарий